Ku Sweka Vuswa (Pap)

Vuswa i swakudya swa ndhavuko leswi endliwaka hi mugayo , lebyi swekiwaka ngopfu ematikweni yo tala ya Afrika. Hi leyi ndlela yo olova yo sweka vuswa:

Switirhisiwa

• 2 wa mabikirhi ya mugayo / mavele (maize meal)
• 4 wa mabikirhi ta mati
• 1 lepula ra munyu (leswi swiya hi ku rhandza ka wena)

Maendlelo

1. Virisa Mati
   Chela mabikirhi ya 3 ya mati epotweni u ya vilisa.

2. Endla Dini
   Eka xibye xin'wana, hlanganisa bikirhi ra 1 ra mugayo na 1 bikirhi ra mati yo titimela ku endla mukapu wo olova.

3. Hlanganisa
   Chela mukapu/dini ra/wa mavele/mugayo ematini lama vilaku hi swi tsongo-tsongo u ri karhi u hakasela nkarhi hi nkwawo ku sivela ku vumbeka mabundzu.

4. Sweka
   Hunguta ndzilo wu ya eka lowu/ wutsongo kutani u pfala poto. Tshika vuswa byi tlhuva ku ringana kwalamo ka 10-15 wa timinete, u ri karhi u hakasela ku sivela leswaku byina tshwi kumbe ku namarhela poto.

5. Tshwakutela
   Chela mugayo lowu saleke hi ka ntsongo-ntsongo u ri kari u hakasa no tswakutela ku kondza vuswa byi tiya.

6. Tshika Byi Foma
   Pfala poto, tshika vuswa byi foma e ndzilweni wuntsongo ku fikela kwalomu ka 10-15 wa timinete. Hakasela nkarhi na nkarhi ku sivela leswaku byi nga namarheli(ku tshwa) poto.

7. Phama
   Loko byi vupfile, phamela bya ha hisa na xi xevo lexi uxi tsakelaka, matsavu, kumbe miroho. U nga rivali matomani (masonja).

Tiphinie hi vuswa bya wena lebo nandziha!